Íslenskar tölvubækur

Eftirfarandi tölvubækur eru allar í boði til ókeypis niðurhals, á PDF sniði.

MySQL 5, gagnagrunnsfræði og SQL grunnur

Þessi MySQL bók var skrifuð með stuðningi frá Menntamálaráðuneyti Íslands. Fyrstu þriðjungur bókarinnar einblínir á hvað gagnagrunnshögun er og kynnir hugtök gagnagrunnsfræðinnar bæði hin ensku og íslensku. Notuð eru einföld dæmi til að kynna gagnagrunnsfræði. Næsti þriðjungur bókarinnar einblínir á uppsetningu grunna og meðhöndlun þeirra í MySQL og síðasti þriðjungurinn er yfirlit yfir helstu föll.

Adobe InDesign CS

Bók um InDesign sem byggð er á annarri eldri bók um QuarkXPress. Farið yfir helstu þætti sem gefa þarf gaum að í þessu vinsæla umbrotsforriti frá Adobe sem er að ryðja QuarkXPress út af kortinu. Bókin er fyrir byrjendur.

Um Macromedia/Adobe Flash MX 2004

Þessi er nýjasta útgáfa bókanna um Flash 5 og Flash MX. Þessi Flash bók er nokkuð betur yfirfarin með tilliti til kennsluröðunar og hentar mjög vel til námskeiða. Bókin hentar líka þeim sem eru með nýjustu útgáfu Flash. Ætlað byrjendum.
Ítarefni: fla-mx2004.zip.

Macromedia Flash 5 og Macromedia Flash MX

Eldri bækur um þessi vinsælu teikni- og myndskeiða forrit. Bækurnar voru þróaðar við kennslu á tölvunámskeiðum og eru ætlaðar byrjendum.
Ítarefni: fla5-verk.zip | flamx-hljod.zip | flamx-island.zip | flamx-tut.zip | flamx-vefhn.zip

Microsoft Excel 2000

Bók sem var skrifuð fyrir byrjendur í töflureikni. Farið er í allt sem máli skiptir fyrir daglega vinnu í töflureikni og það útskýrt með verkefnum og nákvæmum útskýringum. Þessi Excel bók hentar fyrir eldri úghentar á borð við Excel 2003.

Microsoft Frontpage 2003.

Þessi útgáfa Frontpage bókanna er sú besta í Frontpage bókaröðinni og sá sem fer í gegnum hana og vinnur verkefnin í henni ætti auðveldlega að geta gert góða vefi og viðhaldið þeim. Ætlað byrjendum.
Ítarefni: Verkefni í ZIP skrá

Microsoft Frontpage 2000

Þróaðri útgáfa af Frontpage 98 bókinni, ætluð til kennslu á námskeiðum og einnig til heimanáms. Fyrir byrjendur og lengra komna.
Ítarefni: Myndir í ZIP skrá | Verkefni í ZIP skrá

Microsoft Frontpage 98

Þessi bók var þróuð til kennslu á tölvunámskeiðum og ætluð þeim sem vildu geta gert einfalda vefi og viðhaldið þeim með þessu vinsæla forriti. Fyrir byrjendur.

Microsoft Word XP

Þessi bók er upprituð útgáfa af hinum vinsælu Word kennslubókum eftir Brynjólf Þorvarðarson. Bókin útskýrir ritvinnslu mjög vel og inniheldur verkefni með nákvæmum leiðbeiningum. Nota má bókina fyrir Word 2003. Ætlað byrjendum og lengra komnum.
word-verkefni.zip

MTN 103 fyrir framhaldsskóla (árgerð 2004)

Þessi bók var rituð fyrir kennslu í Ritvinnslu, Töflureiknig og gagnagrunnum á faginu MTN 103. Bókin er samsett úr völdum þáttum úr Word, Excel og MySQL bókunum.

StarOffice 6 (OpenOffice 1), byrjendur og lengra komnir

Þessi bók var skrifuð með styrk frá Umferðarstofu. Bókin kynnir alla helstu þætti í StarOffice (OpenOffice): Ritvinnsluna (Writer), Töflureikninn (Calc) og Glærusmiðinn (Impress). Margt í bókinni má nota til að kynna sér ýmislegt í OpenOffice 2 og jafnvel 3.

QuarkXPress 5

Þessi bók er endurbætt útgáfa af bókinni um QuarkXPress 4. Farið er í bókinni yir allt það helsta sem kunna þarf til að geta hafið sitt eigið umbrot og viðhaldið slíkri vinnu. Bókin var ætluð fyrir byrjendur.
Ítarefni: q5verk.zip

QuarkXPress 4

Farið er í bókinni yir allt það helsta sem kunna þarf til að geta hafið sitt eigið umbrot og viðhaldið slíkri vinnu. Bókin var ætluð fyrir byrjendur.
Ítarefni: q4verk.zip.

Forskriftir

Þessar forskriftir má nota til að prófa innsláttarform, sem getið er í sumum verkefnum í Flash og Frontpage, bæði með GET og POST aðferð.
skriftir-input-tests.7z

Ýmislegt

Vartala fyrir kennitölur | Flýtilyklar í Windows, Word og Excel | Lyklaborðs glósur